Almatyda ótken "Túrki áleminiń medıa keńistigi: jańa dáýirdegi mindetter men múmkindikter" atty VI Halyqaralyq túrkitildes jýrnalıser Medıa forýmy óńirlik qaýipsizdik, aqparattyq saıasat jáne qazirgi medıanyń jańa mindetterin talqylaǵan mańyzdy alańǵa aınalyp kele jatyr. Bul jolǵy forýmǵa da Qazaqstan, Túrkıa, Ortalyq Azıa elderi men Eýropadan jetekshi BAQ basshylary, jýrnalıser, sarapshylar, úkimettik emes uıym ókilderi, depýtattar, medıa menedjerler jáne jas mamandar qatysty.
Jıynda medıa salasynyń óńirlik turaqtylyqty saqtaýdaǵy róli erekshe atap ótildi. Germanıadaǵy Túrik medıasy asosıasıasynyń sarapshysy Adnan Óztúrktiń aıtýynsha, qazirgi álemde medıa tek aqparat taratýshy ǵana emes, halyqtar arasyndaǵy senim men dıalogty qalyptastyratyn, keıde kerisinshe, shıelenis týyndatýy múmkin kúshke aınalyp otyr.
"Medıa - júrekter arasyndaǵy kópir. Eger biz aqparatty durys jetkizsek, qoǵamdaǵy qorqynysh azaıady, al jalǵan aqparat kóbeıse, onyń saldary aýyr bolady", - dedi sarapshy.
Ol Kavkazdaǵy qaqtyǵys kezinde jelide taraǵan feıkterdiń etnosaralyq óshpendilikti kúsheıtkenin, al kásibı medıanyń tekserilgen aqparat arqyly jaǵdaıdy jumsartýǵa úles qosqanyn mysalǵa keltirdi. Adnan Óztúrk Taıaý Shyǵystaǵy dıalogtyq telejobalardy da atap ótti. Bir telearna jas býyndy ortaq stýdıaǵa jınap, ashyq áńgime júrgizgen.
"Jastar bir-birine qarsy tarap emes, ortaq aımaqtyń balalary retinde sóılesti. Bul mıllıondaǵan kórermenniń sanasyndaǵy stereotıpterdi buzdy", - dedi ol.
Sarapshy medıanyń negizgi mısıasy adam taǵdyryn qorǵaý, qoǵamdaǵy túsinisti nyǵaıtý ekenin atap ótti. "Medıa qorqynysh týdyrmaýy kerek. Naǵyz qaýipsizdik ananyń kóz jasyn, balanyń qorqynyshyn, jastyń úmitin shynaıy kórsete bilýde jatyr. Shynaıy jýrnalıs - adamdy qorǵaýshy" degen ol baspa basylymdarynyń qazirgi jaǵdaıy, sıfrlyq medıanyń yqpaly jáne Germanıadaǵy dástúrli gazet naryǵyndaǵy ózgerister týraly keńinen baıandady. Ol jýrnalısıkadaǵy 40 jyldan astam tájirıbesi arqyly salanyń rýhanı jaýapkershiligi ekenin jetkizdi.
"Jýrnalısıka kúndelikti sýǵa jazylyp joǵalatyn dúnıe emes, ýaqytqa, tarıhqa jazylatyn amanat. Bul salada biz árdaıym adal eńbek etip, qyzǵanyshqa jol bermeı, kásibı mádenıetti basty orynǵa qoıdyq", - dedi ol.
Sarapshy Germanıadaǵy jáne japon gazet naryǵyndaǵy erekshelikterge toqtalyp, sıfrlyq dáýirde dástúrli baspasózdiń mańyzy kemimeý kerek ekenin aıtady. Gazetterdiń jabylýy, ınternettegi aqparattyń osal tustary, saıttarǵa jasalatyn shabýyldar týraly aıta kele, medıanyń senimdiligi tek baspasóz mádenıetin saqtaýmen baılanysty ekenin málim etti.
Onyń aıtýynsha, ınternet tolyq senim artar orta emes. Sebebi bir ǵana shabýyl adamnyń jyldar boıǵy jumysyn qurtady. Sondyqtan gazet - jaýapkershilik pen senimdiliktiń sımvoly. Gazet joǵalsa, pikir, taldaý, oı joǵalady. Sondaı-aq ol Germanıada engizilip jatqan korporatıvtik jáne jeke jazylym júıeleriniń tıimdiligine toqtalyp, baspasózdi qoldaý qoǵamdy qoldaý ekenin aıtty.
"Gazet - mektep. Ol adamdy tárbıeleıdi, oı qalyptastyrady, qoǵam aınasy bolyp qala beredi", - dedi ol.