Tanymal kompozıtor Qaldybek Qurmanáli saıasatker ári qoǵam qaıratkeri Zamanbek Nurqadilovke qatysty kópshilikti alańdatqan mańyzdy derekti bólisti, - dep habarlaıdy aqshamnews.kz tilshisi POLITICO.KZ-ke silteme jasap.
Ol bul týraly Qazaq Aıran arnasyna bergen suhbatynda aıtyp berdi.
Qurmanáliniń aıtýynsha, Nurqadilov ómiriniń sońǵy kezeńinde ózine qaýip tónýi múmkin ekenin aldyn ala sezip júrgen.
"Zákeńniń qupıa qujattary týraly jıi aıtylady. Ol kisi rasymen de qandaı da bir qaterdiń baryn sezgen sıaqty. Sol ýaqyttarda birneshe adamǵa ózi hat jazdy. Sol hattardyń birin Muhtar Shahanov aǵamyzǵa aparyp bergen edim. Muhań hatty óz qolymen oqydy, biraq ishinde ne jazylǵanyn maǵan aıtpady", – deıdi kompozıtor.
Onyń sózinshe, hattarda asa mańyzdy materıaldarǵa qatysty tek kirispe málimetter ǵana kórsetilgen, al negizgi qujattar Nurqadilovtiń shetelge jasaǵan saparlarynyń birinde syrtqa shyǵarylǵan bolýy múmkin.
"Shetelge barǵan kezde sol qujattardy jáshikke salyp ketken sıaqty. Biraq ol qandaı qupıa – naqty bilmeımin. Áıteýir úlken dúnıe bolǵany anyq. Sebebi dál solardan keıin ol kisige qastandyq jasaldy ǵoı", – dep túıindedi Qaldybek Qurmanáli.