Almaty, Atyraý, Mańǵystaý jáne Túrkistan oblystarynda pedagogıkalyq kadrlar qajet.
Úkimettiń 16 qyrkúıektegi qaýlysymen memlekettik qyzmetshilerge, memlekettik búdjet esebinen uıymdardyń qyzmetkerlerine eńbekaqy tóleý júıesine ózgerister engizildi, dep habarlaıdy Almaty-akshamy.kz
Áńgime muǵalimder tapshy óńirlerge jumysqa qabyldanǵan úzdik muǵalimderge qosymsha aqy belgileý týraly.
Osylaısha muǵalimder tapshy óńirlerdegi orta bilim berý uıymdarynda jumys istegeni úshin qosymsha aqy laýazymdyq jalaqynyń 150%-y bolady.
Bilim berý uıymdary pedagog qyzmetkerleriniń laýazymdyq jalaqysy (tarıftik stavkasy) negizgi laýazymdyq jalaqysyn (17 697 teńge) atqaratyn laýazymyna jáne eńbek ótiline baılanysty bekitilgen tıisti koefısıentterge kóbeıtý arqyly aıqyndalady.
Arnaıy memlekettik baǵdarlama 2022 jyldyń 1 qyrkúıeginen 2027 jyldyń 25 mamyryna deıin áreket etetin muǵalimder tapshy óńirlerdi qoldaýdyń birqatar sharalaryn qarastyrady.
Baǵdarlamanyń maqsaty – bilikti jáne yntaly muǵalimderdi tartý men ustap qalýdyń turaqty modelin qurý arqyly óńirlerdegi bilim sapasyn arttyrý.