Chempıonattyń júlde qory 100 myń shveısar frankin quraıdy.
Jámıla Baqbergenova men Azamat Dáýletbekov erkin kúresten álem kýbogynda óner kórsetý múmkindigine ıe boldy, dep habarlaıdy Almaty-akshamy.kz Qazaqstannyń kúres federasıasyna silteme jasap.
«10-11 jeltoqsanda AQSH-ta erkin kúresten jáne áıelder kúresinen álem Kýbogy ótedi. Álem chempıonatynyń reıtıńi boıynsha bes úzdik komanda kýbokqa joldama alady. Altynshy komanda - Juldyzdar toby. Bul toptyń quramyn Birikken kúres álemi (UWW) sheshedi»,- delingen Qazaqstannyń kúres federasıasynyń Instagram paraqshasynda.
Aıta ketsek, chempıonattyń júlde qory 100 myń shveısar frankin quraıdy. Birinshi oryn alǵan komanda utystyń 70%-yn, ekinshi komanda 20%-yn, úshinshisi 10% alady.
Posmotret etý pýblıkasıý v Instagram