Mádenıet jáne aqparat mınıstrliginiń bastamasymen Qazaqstanda otbasyn qoldaý ortalyqtarynyń qyzmetkerlerin, sondaı-aq qıyn ómirlik jaǵdaıdaǵy otbasylardy erte anyqtaý boıynsha mobıldik toptar múshelerin oqytý bastaldy. Alǵashqy semınar-trenıng Almaty oblysynda uıymdastyryldy, dep habarlaıdy aqshamnews.kz.
Trenıńterdiń maqsaty – qyzmetkerlerdiń kásibı quzyrettiligin, qıyn ómirlik jaǵdaıdaǵy otbasylarǵa sapaly kómek kórsetý úshin vedomstvoaralyq úılestirýdiń sapasyn arttyrý.
Trenıńterde teorıalyq jáne praktıkalyq sabaqtar oqytylady. İs-shara otbasyn qoldaý ortalyqtary qyzmetkerleriniń otbasylarmen jeke jumys josparlaryn qurý boıynsha praktıkalyq daǵdylaryn qalyptastyrýǵa, dıagnostıka, josparlaý jáne kómek kórsetý monıtorıńin jaqsartýǵa baǵyttalǵan.
Semınar-trenıngter barlyq óńirlerde 15 qazan men 15 jeltoqsan aralyǵynda ótedi.
Aıta keteıik, búginde elimizde 43 otbasyn qoldaý ortalyǵy bar. Olardyń negizgi fýnksıasy - memlekettiń otbasylyq saıasat sharalaryn iske asyrý, ómirlik qıyn jaǵdaıǵa tap bolǵan adamdardy (otbasylardy) qoldaý boıynsha jumysty úılestirý, turmystyq zorlyq-zombylyq belgileri bar adamdarǵa qoldaý kórsetý jáne mobıldi toptardyń jumysyn uıymdastyrý.