Almaty metropolıteniniń «Máskeý» beketinde Qazaqstannyń Halyq ártisi Bıken Rımovanyń 100-jyldyq mereıtoıyna oraı «Ónermen órilgen ǵumyr» atty shyǵarmashylyq kórmesi ótti.
Atalmysh is-sharany QR Mádenıet jáne sport mınıstrliginiń jáne Halyqaralyq «TÚRKSOI» Mádenı uıymynyń qoldaýymen Jetisý oblysynyń Mádenıet, arhıvter jáne qujattama basqarmasyna qarasty B.Rımova atyndaǵy Taldyqorǵan drama teatry uıymdastyrdy.
Kórmede aktrısanyń sahnada kıgen kostúmderi, ózi tikken kóılekteri men sómkeleri, paıdalanǵan jeke zattary men eksponattary, medalderi, fotosýretteri qoıyldy.
Shyǵarmashylyq kórmege Bıken Rımovanyń zamandastary, sahnadaǵy áriptesteri jáne teatr óneriniń maıtalmandary men zıaly qaýym ókilderi qonaq boldy.
