«Taza Qazaqstan» respýblıkalyq ekoaksıasy jáne «Almaty – bizdiń ortaq úıimiz» qalalyq naýqany «Ónegeli urpaq» taqyryptyq aptalyǵy aıasynda 8 myńnan astam aǵash otyrǵyzyldy, onyń 4 myńnan astamy alma.
Kóshetter Almatynyń ártúrli aýdanynda, onyń ishinde «Qaraǵaıly ormany» saıabaǵynyń aýmaǵynda - 500 alma jáne órik kósheti, ALA saıabaǵynyń aýmaǵynda 2270 kóshet jáne Boraldaı ózeniniń boıyndaǵy baqylaý alańynda 1000-ǵa jýyq kóshet otyrǵyzyldy, dep habarlaıdy Almaty-akshamy.kz.
İs-sharaǵa Almatydaǵy jasyl jelekter men alma baǵyn jandandyrǵa nıetti barlyq jastaǵy qala turǵyny belsendi qatysty.
Qoǵam qaıratkeri, fılologıa ǵylymdarynyń doktory Asyly Osman mundaı bastamalar ómirdiń barlyq salasynda ekologıalyq minez-qulyqtyń jańa úlgisin damytady dep sanaıdy.
«Bizdiń qala gúldenip, ózgere bersin, bárimiz ony qorǵaýymyz kerek. Jasyma qaramastan, búgin osy aksıaǵa qatysamyn, óıtkeni Almaty bireý, árkim óz úıine qamqorlyq jasaýy kerek», - dedi profesor Almatyda jaýapty urpaqtyń ósip kele jatqanyn atap.
Onyń pikirinshe, aǵash otyrǵyzý senbilikten aýqymy áldeqaıda úlken, óıtkeni mundaı is-sharalar biriktirýshi faktor bolyp tabylady.
«Bizde jyl saıyn aǵash otyrǵyzýdyń jaqsy dástúri qalyptasqan. Qala ákimdiginiń Almatynyń Alma qalasy retindegi dańqyn jandandyrýdaǵy nıeti qýantady! Biz bárimiz alma kóshetterin otyrǵyzýǵa qýana atsalystyq, - dedi turǵyn Pernegúl Amanova.
Áýezov aýdanynda 400 kóshet otyrǵyzyldy. İs-sharaǵa jastar, ardagerler, áleýmettik sala, otbasyn qoldaý ortalyǵy, «Órleý» áleýmettik klýbynyń qyzmetkerleri qatysty. Áýezov aýdanynyń ardagerler keńesiniń tóraǵasy Bátıma Ibraeva, qoǵam qaıratkeri, Almaty qalasy máslıhatynyń burynǵy depýtaty Tóleýǵalı Taıtóleev jáne t.b. aǵash otyrǵyzdy.
Almaly aýdanynyń jastary 850 kópjyldyq sándik buta men 80 alma kóshetin otyrǵyzýǵa belsendi atsalysty.
Aıta keteıik, otyrǵyzylǵan aǵashtardy baqylaý ári kútý tolyǵymen merdigerlik uıymǵa júkteledi. Jyl boıy ol aǵashtarǵa kútim jasalynady. Aǵashtardy sýǵarý, tyńaıtqysh pen magıstraldyq sheńberlerdi aerasıalaýmen qamtamasyz etedi. Osyǵan sáıkes, barlyq aǵashtar kepildikke ıe ári jyl saıyn ómir súrý deńgeıine komısıalyq tekserý júrgiziledi. Kóshetter solyp qalǵan jaǵdaıda, merdiger uıym kepildik mindettemelerin qaıtadan qamtamasyz ete otyryp, olardy jańasymen almastyrýǵa mindetti.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.