Almatyda Ońdasynov kóshesi jóndeý jumystaryna baılanysty bir kúnge ýaqytsha jabylady, dep habarlaıdy Aqshamnews.kz
Ońdasynov kóshesindegi kólik qozǵalysy jóndeý jumystaryna baılanysty ýaqytsha shekteledi. Sondaı-aq, 21 qyrkúıek kúni saǵ. 09:00-den 21:00-ge deıin Ońdasynov kóshesiniń Dostyq dańǵylynan MTF kóshesine deıingi ýchaskede qólik qozǵalysy shekteletin bolady. Aınalma jol «Evropolıs» TÚK aýmaǵy arqyly qamtamasyz etiledi. Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Jóndeý jumystary kezeńinde №107 marshrýttyń qozǵalys syzbasy eki bólikke bólý arqyly ózgertiletin bolady. «Abdýllınder kóshesi» sońǵy aıaldamasynan jóndeýge jabylǵan jerge deıin 2 avtobýs, al jabylǵan jerden «Kólsaı sh/a» sońǵy aıaldamaǵa deıin 2 avtobýs qatynaıdy.
Eske salsaq, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde ornalastyrylǵan.
