Kezekti maýsym rejıser Anton Zaısevtiń «Oıaný» spektakliniń premerasymen ashylady, dep habarlaıdy aqshamnews.kz
Bul joly Anton Zaısev álemdegi eń kóne ádebı mátinderdiń biri — «Gılgamesh týraly eposqa» júginedi.
«Altynshy maýsym – bul mahabbat týraly! Ózińe degen mahabbat, adamǵa degen mahabbat, jaqyndaryńa degen mahabbat. Biz teatrdy mahabbatqa toltyrǵymyz keledi. Óıtkeni úlken mahabbat – bul mańyzdy, ol bizdiń ómirimizdi basqaryp otyratyn kúsh!» – deıdi Anton Zaısev.
«Oıaný» – bul ómirge, álemge jáne jalpy adam bolýdyń, mahabbattyń jáne máńgiliktiń mánin ashatyn suraqtarǵa jaýap beretin spektákl. Qoıylymǵa halyqaralyq komanda jumys isteıdi: sýretshiler – Iýlıa Chernova (Qazaqstan) jáne Ýlána Glýmova (Reseı), dramatýrg Evgenıı Ionov (Reseı), ánshi jáne kompozıtor Nurǵazy Qýanyshbek (Qazaqstan).
Teatrdyń altynshy maýsymdaǵy josparynda eresekterge, jasóspirimderge jáne balalarǵa arnalǵan on jańa qoıylym bar, onyń beseýi 2024 jyldyń sońyna deıin kórermenge usynylady.
«Totalnyı teatr» – jyl saıyn óz sahnasynda teatr festıválderin uıymdastyryp, jasóspirimderge arnalǵan spektáklder qoıyp kele jatqan sanaýly jekemenshik teatrlardyń biri.
Premera 1 qazan kúni saǵat 19.30-da Almaty qalasy, Shevchenko kóshesi, 114-úı mekenjaıyndaǵy «Totalnyı teatr» sahnasynda ótedi.
Baılanys nómiri: +77021630156 Dına.