Sıngapýr ǵalymdary «omıkron» koronavırýs shtamyn anyqtaıtyn álemdegi alǵashqy mamandandyrylǵan PTR testin jasap shyǵardy
Testti Bio Acumen Global farmasevtıkalyq kompanıasy ázirledi. Qazirgi kezdegi testter koronavırýstyq ınfeksıany anyqtaı alady, biraq pasıenttiń qandaı shtamdy juqtyrǵanyn kórsetpeıdi. Jańa testti qoldaný ýaqytty únemdeýge kómektesedi, COVID-19 juqtyrý faktisin jáne organızmde «omıkron» shtamynyń bar-joǵyn birden anyqtaıdy. Ázirleýshi kompanıa jaqyn arada kórshi elderge jańa PTR-testilerdi jetkizýdi josparlap otyr, dep habarlaıdy Almaty-akshamy.kz
Reseılik vırýsolog Petr Chýmakov «omıkron» shtamyn «tiri» vaksına dep atady. V. A. Engelhardt atyndaǵy molekýlalyq bıologıa ınstıtýtynyń zerthana meńgerýshisi «omıkronnyń» paıda bolýymen adamzat lokdaýndar týraly umyta alady degen úmitin bildirdi.
«Tabıǵat koronavırýsqa qarsy tiri vaksına jasady degen optımısik pikir bar. Iaǵnı, osy shtammen aýyrǵan adamdar saýyǵyp shyqqannan keıin patogendik nusqalarǵa tózimdi keledi», dep usyndy Chýmakov.
Biraq sońǵy tujyrymdardy jasaýǵa áli erte ekendigi de atap ótildi.