2022 jyly joldarǵa 814 tekseris júrgizildi
Omby-Maıqapshaǵaı jol qurylysynyń bitpeı jatýyna 21 mıllıard teńgeniń talan-tarajǵa túsýi sebep bolýy múmkin. Óńirdegi sybaılas jemqorlyqqa qarsy qyzmet qylmystyq is qozǵady. Qazir bul baǵytta atqarylyp jatqan jumystarǵa tekseris kúsheıtildi, dep habarlaıdy Zakon.kz.
Jalpy ólkedegi joldarda zańsyzdyqtar jıi anyqtalyp jatyr. Buǵan ótkizilgen reıd nátıjeleri aıǵaq. Omby-Maıqapshaǵaı jol qurylysy boıynsha áli bir ońǵan nátıje joq.Osy jazda aıaqtalý kerek bolǵan joba taǵy eki jylǵa sozyldy. Talaı sebep aıtyldy. Endi ol qatarǵa jemqorlyq ta qosylýy múmkin. Quzyrly organ ókilderi merdiger kompanıa óte qomaqty qarajatty qaltasyna salýy yqtımal ekenin málimdedi, - dep habarlady "Habar-24".
«Qalbataý Maıqapshaǵaı avtojol qurylysyna qatysty 21 mıllıard teńgeni maqsatsyz paıdalaný, ıaǵnı talan-tarajǵa túsý faktisi boıynsha sotqa deıingi tergeý tirkeldi. Ol áli jalǵasyp jatyr. Qujattar tolyq jınaqtalǵan soń prosesýaldy sheshim shyǵarylady», - deıdi SHQO Sybaılas jemqorlyqqa qarsy qyzmet departamentiniń basshysy Denıs Shakenov.
Respýblıkalyq mańyzdy joldarda ǵana emes, tipti oblys ishindegi jergilikti baǵyttaǵy jol qurylysy da zańsyzdyqqa tunyp tur.
«2022 jyly joldarǵa 814 tekseris júrgizildi, 60-den asa buzýshylyqtar anyqtaldy. Myń shaqty synama alyndy joldardan, qazir tekseris júrgizilip jatyr»,- dedi ol.