Forma saltanatty rásimge jáne jattyǵýǵa kıýge arnalǵan bolý kerek.
Konkýrs kezinde kelip túsken jumystardy arnaıy komısıa quramy qarap, ortaq sheshim qabyldaıdy, dep habarlaıdy Almaty-akshamy.kz
Parıjdegi jazǵy Olımpıadaǵa arnalǵan Qazaqstan ulttyq quramasynyń kıim formasy men oǵan qosymsha kerek-jaraq jabdyqtardyń dızaın tujyrymdamasyn ázirleýge arnalǵan ashyq konkýrs jarıalandy.
Jumys tobynyń qataryna Týrızm jáne sport mınıstrligi Sport jáne dene shynyqtyrý komıteti, QR Ulttyq Olımpıada komıteti, Qazaqstan sportshylary odaǵynyń ókilderi, dańqty sportshylar men BAQ qyzmetkerleri kiredi. Bul tizimde Eldos Smetov, Serik Sápıev, Azamat Dáýletbekov, Jámıla Baqbergenova, Olga Rypakova, Ábıba Ábýjaqynova, Anna Alábeva, Nurbek Oralbaı, Nursultan Tursynovtar bar. Komısıa tóraǵasy – Sportty damytý dıreksıasynyń dırektory Erlan Estek.
Konkýrs eki kezeńge sozylady jáne árbir kezeń jeńimpazy ereje sharttaryna sáıkes, komısıa otyrysynda anyqtalady.
Konkýrs kezeńderi:
I kezeńde komısıa konkýrsqa qatysýshylar ótinishterin, materıaldaryn qabyldap, qaraıdy (2024 jylǵy 28 aqpan 20:00-den 10 naýryz saǵat 18:30 deıin).
İİ kezeńde konkýrs jeńimpazdary anyqtalyp, jarıalanady (2024 jylǵy 13-15 naýryz aralyǵy).
Konkýrs erejesi men komısıa quramy jáne UOK komandasynyń kıim formasyna qatysty biryńǵaı nusqaýlyǵyn osy jerden qaraýǵa bolady.