«Ólim saǵaty»

Death Clock AI resmı túrde 18 qyrkúıekte iske qosyldy.

AQSH-ta ǵalymdar adam óliminiń naqty kúnin esepteı alatyn saǵatty oılap tapty dep habarlaıdy aqshamnews.kz

Bul qurylǵyny jasaýshylar ony «ólim saǵaty» (Death Clock) dep ataǵan. Jańa jasandy ıntellekt qosymshasy adamnyń densaýlyǵy men áleýmettik ádetteri týraly suraqtarǵa jaýap alǵannan keıin onyń bıologıalyq jasyn jáne ólim kúnin anyqtaı alatynyn málimdegen.

«Bul saǵattyń basty maqsaty – adamdy densaýlyǵy men ómir saltyn jaqsartýǵa baǵyttaý. Óıtkeni, qazirgi densaýlyq saqtaý júıesi kóbinese aýrýdy erte kezeńde emes, tym kesh aralasatyn reaktıvti sıpatta», dep túsindiredi qosymshanyń avtory Brent Frenson.

«Ólim saǵaty» adamnyń densaýlyǵy týraly aqparat berip, uzaq ómir súrýge baǵyttalǵan jeke jospar qurýǵa kómektesedi. Qosymshada qan taldaýlary, genetıkalyq profılder jáne basqa da medısınalyq qujattardy júkteý múmkindigi bar.

Tehnıkalyq jańalyqtar avtory Amanda Kýzer osy saǵatty synap kórdi. Ol Death Clock-tyń suraqtary bıologıalyq faktorlardan bastap, uıqy jáne psıhıkalyq densaýlyq sıaqty máselelerge deıin qamtıtynyn aıtty. Mysaly, shylym shegý adamnyń ómir súrý uzaqtyǵyna qalaı áser etetinin eseptep, ony tastaǵan jaǵdaıda ómirdi qansha jylǵa uzartýǵa bolatynyn kórsetedi.