94 jasynda Qazaq taǵamtaný akademıasynyń prezıdenti, belgili nýtrısıolog Tóregeldi Sharmanuly Sharmanov ómirden ozdy
Densaýlyq saqtaý mınıstrliginiń atynan jáne óz atymnan álemdik densaýlyq saqtaý salasynyń ańyzyna jáne qazaqstandyq medısına maqtanyshyna aınalǵan akademık Tóregeldi Sharmanovtyń qaıtys bolýyna baılanysty qaıǵyryp kóńil aıtamyn.
Tóregeldi Sharmanulynyń elimizdiń densaýlyq saqtaý salasyna qosqan úlesi jáne onyń medısınalyq qoǵamdastyqqa ǵana emes, respýblıkanyń barlyq azamattaryna kórsetken kómegi baǵa jetpes bolyp qala beredi.
Ol búkil ómirin otandyq medısınany damytýǵa arnady.
12 jyl boıy Tóregeldi Sharmanuly Densaýlyq saqtaý mınıstrligin basqaryp, medısınalyq-sanıtarıalyq alǵashqy kómektiń teńdesi joq júıesin qurdy. 1974 jyldan bastap elimizdiń jetekshi ǵylymı uıymdarynyń biri – Qazaq taǵamtaný akademıasynyń turaqty basshysy boldy.
Tóregeldi Sharmanuly áleýmettik-gýmanıtarlyq saladaǵy úzdik jetistikteri jáne densaýlyq saqtaýdy damytýǵa qosqan zor úlesi úshin berilgen Qazaqstan Respýblıkasynyń eń joǵary dárejeli erekshelik belgisi - Eńbek eri ataǵyn, sondaı-aq Dúnıejúzilik Densaýlyq saqtaý uıymynyń eń joǵary dárejeli erekshelik belgisi - Leon Bernard syılyǵyn qosa alǵanda kóptegen marapattarǵa ıe boldy, bul onyń halyqaralyq arenadaǵy aıryqsha eńbegin kórsetedi.
Akademık Sharmanov Tóregeldi Sharmanulynyń esimi medısına tarıhyna altyn áriptermen jazylǵan jáne bolashaq urpaq úshin úlgi bolady.
Densaýlyq saqtaý mınıstrligi Akademık Sharmanovtyń otbasymen, áriptesterimen jáne dostarymen birge qaıǵyrady. Uly adam, dáriger, muǵalim jáne naǵyz patrıot týraly jarqyn estelik bizdiń júregimizde máńgi qalady.
Qazaqstan Respýblıkasynyń Densaýlyq saqtaý mınıstri Aqmaral Álnazarova