Qazaqstan Respýblıkasy Densaýlyq saqtaý mınıstrliginiń Sanıtarlyq-epıdemıologıalyq baqylaý komıteti (SEBK) elde maımyl sheshegi vırýsyna kúdikpen tirkelgen jaǵdaılardyń bar-joǵyn habarlady, dep habarlaıdy aqshamnews.kz
Sonymen qatar, sanıtarlyq dárigerler vırýstyń negizgi sımptomdary men odan qalaı saqtaný kerektigi týraly aqparat berdi.
Maımyl sheshegi – maımyl sheshegi vırýsynan týyndaıtyn ınfeksıalyq aýrý. Onyń negizgi klınıkalyq belgileri mynalar:
- Inkýbasıalyq kezeń 5-ten 21 kúnge deıin sozylýy múmkin.
- Lıhoradkalyq kezeń ádette 1-den 3 kúnge deıin sozylady jáne qyzba, bas aýrýy, bórtpe, tamaqtyń aýrýy, bulshyqetter men arqanyń aýrýy, lımfa túıinderiniń ulǵaıýy sıaqty sımptomdarmen sıpattalady.
Komıtettiń málimetinshe, sońǵy alty aıda álemde maımyl shesheginiń aı saıyn tirkeletin jaǵdaılarynyń sany 2022 jyldyń tamyzynda tirkelgen 30 721 jaǵdaıdyń shyńyna qaraǵanda aıtarlyqtaı azaıǵan. Bul aýrýdyń endemıalyq aımaqtaryna Afrıka, Amerıka jáne Eýropa kiredi.
"Búgingi kúnge deıin Qazaqstanda maımyl sheshegi vırýsyna kúdikti birde-bir jaǵdaı tirkelmegen", – dep habarlady SEBK. Elge osy ınfeksıanyń taralýyna jol bermeý úshin tıisti sharalar qabyldanýda.
Maımyl shesheginen saqtaný joldary:
- Aýyrǵan adamdarmen jáne juqtyrǵan janýarlarmen (maımyldar, egeýquıryqtar, tıinder jáne basqa da janýarlar vırýstyń tasymaldaýshylary bolýy múmkin) baılanysta bolmaý;
- Qorǵanys quraldaryn paıdalaný. Janýarlarmen jumys istegende, ásirese zerthanalyq jaǵdaıda nemese olarǵa kútim jasaǵanda, qorǵanysh kıimderdi, qolǵaptardy jáne maskalardy qoldaný mańyzdy;
- Gıgıenany saqtaý. Qoldy sabynmen jýý jáne dezınfeksıalaýshy quraldardy paıdalaný aýrýdyń aldyn alýǵa kómektesedi;
- Eger sizde bórtpe, joǵary temperatýra, bas aýrýy jáne sharshaý sıaqty sımptomdar baıqalsa, dárigerge júginý qajet.
2024 jylǵy 15 tamyzda Dúnıejúzilik densaýlyq saqtaý uıymy maımyl shesheginiń epıdemıasyn halyqaralyq mańyzy bar qoǵamdyq densaýlyq saqtaý salasyndaǵy tótenshe jaǵdaı dep jarıalady.