Daily Mail aqparaty boıynsha, qaterli isik jyldan-jylǵa «jasaryp» kele jatyr.
Keıingi 30 jylda 50 jasqa deıin onkopatologıa dıagnozy qoıylǵan adamdardyń sany 80%-ǵa ósken, dep habarlaıdy Almaty-akshamy.kz
Amerıkalyq BMJ Oncology qaýymdastyǵy qaterli isik aýrýlaryn boldyrmaýǵa kómektesetin kúndelikti ádetter týraly aıtty.
Sondyqtan mamandar qaterli isik qaýpin barynsha azaıtýǵa múmkindik beretin mynadaı birqatar keńes usynady:
Artyq salmaqtan qutylý
Ásirese beldegi jınalǵan artyq maılar qaýipti bolyp keledi. Vıseraldy semizdik osylaı kórinedi. Bul jaǵdaıda normadan sál aýytqý bolsa da saq bolǵan jón. Dárigerler jastardyń artyq salmaq qosýyn egde jastaǵy adamdarǵa qaraǵanda últra óńdelgen taǵamdardy, qant pen zıandy maılarǵa baı taǵamdardy tutynýymen baılanystyrady.
Fızıkalyq belsendilik
Ortasha fızıkalyq belsendilik árqashan tek paıdaly. Dárigerlerdiń aıtýynsha, qaterli isiktiń aldyn alýǵa, ásirese júzý, serýendeý jáne tenıs kóbirek paıdaly. Jattyǵý ımýndyq júıeni nyǵaıtýǵa múmkindik beredi.
Tamaqtaný ádebi
Aǵzaǵa kókónisterdiń, jemis-jıdekterdiń jetispeýshiligi aıtarlyqtaı ról atqarady. Sondaı-aq fast-fýd pen ózge de zıandy taǵamdardy shamadan kóp tutyný – qaterli isikke bastar joldardyń biri.
Sýsyndardy durys tańdaý
Bul rette quramynda qant mólsheri kóp, gazdalǵan sýsyndardan bas tartýǵa keńes beriledi.
Zıandy zattarǵa jolamaý
Munymen qosa, dárigerler adamzatty kún sáýlesiniń shabýylynan saq bolýǵa, ishimdik pen shylymǵa áýes bolmaýǵa shaqyrady.