Olar óz óńiriniń barlyq azamatyna qyzmet kórsetýge tıis.
Májilistegi «Aq jol» fraksıasynyń depýtattary oblys pen respýblıkalyq mańyzy bar qala ákimderiniń jumys merzimin bes jyldyq merzimmen shekteýdi usyndy, dep habarlaıdy Almaty-akshamy.kz
Depýtat Erlik Ómirǵalıdiń aıtýynsha, otyz jyl boıy Qazaqstanda bir ǵana partıa bılikke monopolıa jasady. Sol sebepti ol oblys pen qala ákimderine saıası partıaǵa múshe bolýǵa tyıym salý kerek dep esepteıdi.
«Ákimder tek óz aınalasyna ǵana emes, óz óńiriniń barlyq azamatyna qyzmet kórsetýge tıis. Ákimderdiń partıaǵa múshe bolýyn toqtatý týraly usynys negizdi jáne konstıtýsıalyq reformaǵa saı keledi dep sanaımyz», - dedi Erlik Ómirǵalı Premer-Mınıstrge joldaǵan depýtattyq saýalynda.
Osyǵan baılanysty «Aq jol» depýtattyq fraksıasy Úkimetke mynadaı normalarǵa bastama jasaýdy usyndy:
1. Oblys pen qala ákimderine qyzmetin atqarý kezinde saıası partıalardyń múshesi bolýǵa tyıym salý;
2. Oblys pen respýblıkalyq mańyzy bar qala ákimi laýazymyn atqarý merzimin bir rettik 5 jyldyq merzimmen shekteý.