2022 jyldyń jeltoqsan aıynyń qorytyndysy boıynsha bilim berý qyzmetteri bir jylda 14,5% qymbattaǵan.
Ranking.kz málimetinshe, baǵa eń kóp qymbattaǵan Atyraý oblysy: bir jylda birden 60,4%. Odan keıin Túrkistan (28,2% qymbattaǵan), Qaraǵandy (21,9% qymbattaǵan), Shyǵys Qazaqstan (19,9% qymbattaǵan) jáne Pavlodar (19% qymbattaǵan) oblystary. Eń az jyldyq baǵa ósimi Almaty oblysynda tirkeldi: 5,3%, dep habarlaıdy Almaty-akshamy.kz.
Qyzmet kórsetý túrleri boıynsha mektepke deıingi jáne bastaýysh bilim 11,1%-ǵa, orta bilim 9,6%-ǵa, kásiptik orta bilim 20,2%-ǵa, joǵary bilim 17%-ǵa, eresekterge arnalǵan bilim 15,9%-ǵa qymbattady.
2022 jyldyń úshinshi toqsanynda bilim berý salasynda kórsetilgen qyzmet kólemi 949,8 mlrd teńgege jetti, bul bir jyl burynǵydan 17,4% kóp. Bilim berý qyzmetteriniń basym bóligi búdjet qarajaty esebinen kórsetildi: 836,6 mlrd teńge. Taǵy 90,4 mlrd teńgeni halyq tólese, 22,9 mlrd teńgeni kásiporyndar tóledi.
Bilim berý túrleri boıynsha qyzmetterdiń qundyq mándegi eń úlken kólemi negizgi jáne jalpy orta bilim berý salasyna tıesili: 444,9 mlrd teńge, bir jyl burynǵydan 12,5% kóp. Mektepke deıingi tárbıe men oqytý salasynda kórsetilgen qyzmet kólemi 158,7 mlrd teńgege, joǵary bilim berý salasynda 110,2 mlrd teńgege jetti.
Óńirler ishinde eń kóp qyzmet dástúrli túrde Almatyda kórsetildi: 113,1 mlrd teńge – bir jyl burynǵydan qundyq mánde 16,6% artyq. Kóshbasshy óńirlerdiń úshtigine sondaı-aq elorda (98,8 mlrd teńge, bir jylda 61,3% kóbeıgen) jáne Túrkistan oblysy (98,7 mlrd teńge, 29,1% kóbeıgen) kirdi.
Eń az qyzmet kórsetilgen óńirler Ulytaý, Abaı jáne Soltústik Qazaqstan oblystary.