Bishkekte kúres túrlerinen ótip jatqan Azıa chempıonatynda grek-rım kúresinen qazaqstandyq balýan Nursultan Tursynov fınalǵa súrinbeı ótti.
87 keli salmaqta el namysyn qorǵap júrgen Nursultan jartylaı fınalda ózbek balýany Rahymjan Uzaqovty aıqyn basymdyqpen, merziminen buryn jeńdi. Esep - 5:0, dep habarlaıdy almaty-akshamy.kz.
Endi otandasymyz fınalda ırandyq Naser Gasem Alızadamen beldesedi. Byltyrǵy Azıa chempıonatynyń aqtyq synynda qazaq balýany ırandyqqa ese jibergen bolatyn.
Al 2023 jyly Serbıada ótken álem chempıonatynyń shırek fınalynda Tursynov Alızadeni 9:4 esebimen jeńdi.
Esterińizge sala keteıik, osyǵan deıin Erjet Jarlyqasyn (63 keli) fınalǵa shyqqan bolatyn.
Alaıda búgin bozkilemge kóterilgen úsh balýanymyz jarysty erte aıaqtady.
Atap aıtsaq, 55 kelidegi Nurzat Qabdyrahımov shırek fınalda ózbekstandyq Jasýrbek Artyqbaevten jeńilse, 77 kelidegi Ibragım Magomadov álem chempıony Aqjol Mahmudovpen teń kúresse de, ádis sapasyna baılanysty jeńilis tapty. Al 130 kelidegi Mansur Shadýkaev shırek fınalda qyrǵyzstandyq sportshyǵa jol berdi.
Bishkektegi Azıa chempıonatynyń fınaldyq kezeńi saǵat 17:00-de bastalady.