Nurqanat Ájiqanov – Azıa oıyndarynyń jeńimpazy
Nurqanat Ájiqanov Qytaıdyń Hanchjoý qalasynda ótip jatqan HİH jazǵy Azıa oıyndarynda WKF karateden Qazaqstanǵa altyn medal syılady, dep habarlaıdy almaty-akshamy.kz QR Týrızm jáne sport mınıstrligi Sportty damytý dıreksıasynyń baspasóz qyzmetine silteme jasap.
Ol fınalda bıylǵy sary qurlyq chempıony, Iordanıa sportshysy Hasan Masarvehti aıqyn basymdyqpen jeńip, Qazaqstan enshisine osy oıyndardaǵy 8-altyn júldeni saldy. Esep: 8-0.
Baǵana qazaq karateshisi jartylaı fınalda Malaızıa ókili Ragonazan Sharmendradan, shırek fınalda qyrǵyz sportshysy Nazym Nurlanovtan, alǵashqy aınalymda Muhammed Shekhý Alamnan (Nepal) aılasyn asyrǵan.
Nurqanat 2021 jyly Tokıo Olımpıadasynda el namysyn qorǵaǵan, álem chempıonatynda 2 márte qola júlde jeńip alǵan, 3 dúrkin Azıa chempıony.