Baıqońyr qalasynda qazaqstandyq azamattar úshin 50 páterli 5 turǵyn úıdiń qurylysy júrgizilýde, dep habarlaıdy Almaty-akshamy.kz Inform.kz-ke silteme jasap.
Bul qurylys «Nurly jer» baǵdarlamasy sheńberinde qolǵa alynǵan. Olardyń jalpy aýdany - 15 372,6 sharshy metr. Aıta ketsek, Baıqońyrda 2019 jyly atalǵan baǵdarlama aıasynda 50 páterli 5 turǵyn úıler paıdalanýǵa berilgen. Sondaı-aq, aldaǵy ýaqytta jeke ınvestorlar arqyly balabaqshalar salý máselesin qaralýda. Bul onda oryn jetispeýshiligin boldyrmaýǵa jol ashady. Oblys basshylyǵy tarapynan oǵan yntaly kásipkerlerdi qoldaý máselesi qarastyrylýda.
Aldaǵy ýaqytta Baıqońyr qalasyndaǵy jylý-elektr stansıasy gazǵa qosylady. Buǵan baılanysty qala ákimshiligi qajettilikti eskere otyryp tıisti sharalardy qabyldady. Qazir Baıqońyrda 75 myńnan astam adam turady. Onyń 66 prosentten astamy — qazaqstandyqtar.