Qazirgi zamanǵy reaktorlardyń negizgi ereksheligi – syrtqy jáne ishki tótenshe jaǵdaılarda qondyrǵynyń turaqtylyǵyn joǵary deńgeıde qamtamasyz etetin belsendi jáne pasıvti qaýipsizdik júıeleriniń úılesim tabatyny.
Bul júıeler kez kelgen yqtımal tótenshe jaǵdaılarda tıimdi áreket ete alady. Sonymen qatar, radıoaktıvti qaldyqtarmen jumys jónindegi qoldanystaǵy zańnamada atom elektr stansıalary men basqa da salalarda, onyń ishinde medısına, ónerkásip jáne ǵylymı zertteýlerde olardy qaýipsiz saqtaýǵa qoıylatyn talaptar naqty rettelgen.
Bul talaptar halyqaralyq standarttarǵa saı jáne Qazaqstannyń ekologıalyq qaýipsizdigin nyǵaıtýǵa baǵyttalǵan mańyzdy qadam.
AES qurylysy eldiń energetıkalyq táýelsizdigin qamtamasyz etýde jáne tómen kómirtekti ekonomıkaǵa kóshý jolynda mańyzdy ról atqarady. Bul bolashaq urpaq úshin turaqty damý men qaýipsizdikti qamtamasyz etý degendi bildiredi.