Qazaqstannyń eńbek sińirgen qaıratkeri, qazaqstandyq ánshi, telejúrgizýshi Nurlan Abdýllın Qazaqstanda atom elektr stansıasyn (AES) salý jónindegi referendýmda daýys berdi. Artıs №17 mektep-ınternatta ornalasqan № 387 saılaý ýchaskesine bardy.
«Meniń oıymsha, eldiń birligi bizdiń qolymyzda. Búgin bizdiń azamattar kelip daýys berip, ózderiniń pikirin bildirip jatyr. Bul elimizdiń jáne bizdiń urpaqtyń bolashaǵy úshin úlken sheshýshi sát», - dedi Nurlan Abdýllın.
Esterińizge sala keteıik, búgin Qazaqstan aýmaǵynda AES salý jónindegi respýblıkalyq referendým ótip jatyr. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin daýys bere alady.