Adam balasy úshin eń qymbat nárse – táýelsizdik. Bul – bizdiń eń asyl, eń qasterli merekemiz.
Qazaq halqy úshin táýelsizdik – ǵasyrlar boıy ańsap, babalar qanymen, analar kóz jasymen kelgen uly jeńis. Elimizdiń táýelsizdik alǵanyna 33 jyl tolyp otyr. Osy ýaqyt aralyǵynda memleketimiz beıbitshilik pen birlik jolynda kóptegen jetistikterge qol jetkizdi. Bul – halqymyzdyń aýyzbirshiliginiń, qajyrly eńbeginiń jemisi.
Tuǵyrly táýelsizdigimiz máńgi bolsyn! Qazaq halqy erkin, demokratıaly el retinde álemge tanylyp, «Máńgilik el» ıdeıasynyń bıiginen kórinse, bolashaq urpaǵymyz baıandy, baqytty ómir súredi dep senemiz.
Qurmetti qazaqstandyqtar, barshańyzdy aıtýly merekemen shyn júrekten quttyqtaımyn! Elimiz aman, jerimiz tynysh, táýelsizdigimiz baıandy bolsyn!