Qazaqstanda ekologıalyq problemalardy rettep jatyr
Eko-kitapty halyqaralyq konsýltanttardy tarta otyryp qazaqstandyq sarapshylar daıyndaǵan. Kitapta sý resýrstaryn basqarý, aýanyń lastanýy, qaldyqtardy basqarý, jerdiń tozýy, bıoalýantúrlilik, energıa tıimdiligi, klımattyń ózgerýi sekildi mańyzdy taqyryptar qamtylǵan, dep habarlady Almaty-akshamy.kz. QR Ekologıa, geologıa jáne tabıǵı resýrstar mınıstrliginiń taratqan habaryna silteme jasap.
İs-sharaǵa kitap avtorlary, qorshaǵan ortany qorǵaýmen aınalysatyn mınıstrlikterdiń ókilderi, ǵalymdar men BAQ ókilderi de qatysty.
Sondaı-aq qatysýshylar arasynda ekologıa salasynyń ózekti taqyryptary talqylandy. Ekologıa mınıstrligi Ekologıalyq retteý jáne baqylaý komıtetiniń tóraǵasy Zulfuhar Joldasov búgingi kúni óńirlerdegi negizgi problema atmosferalyq aýanyń jáne jer ústi sýlarynyń lastanýy ekenin atap ótti.
«Ekologıalyq monıtorıń 2020 jyldyń qorytyndysy boıynsha 45 ónerkásiptik qala men megapolıstiń ishinde 10 qala atmosferalyq aýanyń joǵary lastaný deńgeıine jatatynyn kórsetti. Bul - Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazǵan jáne Shymkent qalalary. Lastaýshy zattar shyǵaryndylarynyń jalpy kólemi 2,5 mln tonnany qurady. Jerústi sýlarynyń lastanýynyń negizgi sebepteriniń biri - eskirgen káriz jáne tazartý qondyrǵylary. 2020 jyly el boıynsha tógindilerdiń jalpy kólemi 1,1 mln. tonnany qurady».
Zulfuhar Joldasov eldegi ekologıalyq ahýaldy jaqsartý úshin ónerkásipte eń ozyq qoljetimdi tehnologıalardy paıdalaný bolatynyn aıtty. Jańa Ekokodekske sáıkes, ozyq tehnologıaǵa kóshý 2025 jyldan bastap júzege asyrylady.
«Birinshi kezeńde (20-35) ozyq qoljetimdi tehnologıaǵa shyǵaryndylardyń 80%-yn quraıtyn TOP-50 kásiporyn ótedi. Oǵan jylý energetıkasy, munaı-gaz jáne hımıa ónerkásibi kásiporyndary kirdi. Ekinshi kezeńde I sanatta qalǵan kásiporyndar (2,5 myńnan astam kásiporyn) ótedi. Eger kásiporyn ozyq tehnologıany engizbese, emısıa úshin tólem stavkalary birneshe ese artady».