Nur-Sultan shaharynda «Nur Otan» partıasy men Qazaqstan Jazýshylar Odaǵy arasyndaǵy ózara Yntymaqtastyq týraly MEMORANDÝMǴA qol qoıyldy dep habarlaıdy almaty-akshamy.kz
Partıa Tóraǵasynyń Birinshi orynbasary Baýyrjan Qydyrǵalıuly Baıbek resmı sharanyń ashylýynda sóılegen sózinde qoǵamdaǵy zıaly qaýym ókilderiniń róline, osyǵan deıin júzege asqan rýhanı bastamalarǵa, aldaǵy atqarylýy tıis ekijaqty jobalarǵa keńinen toqtaldy.
Jıynǵa «Nur Otan» partıasynyń hatshysy Arman Qyryqbaev, QR Mádenıet jáne sport mınıstrligi janyndaǵy Mádenıet komıtetiniń tóraǵasy Aqan Ábdýáli, esimi elge málim qalamgerler Nesipbek Aıtuly, Álibek Asqarov, Ońaıgúl Turjanova, Aıgúl Kemelbaeva, Dáýletkereı Kápuly qatysty.
Qazaqstan Jazýshylar Odaǵy Basqarmasynyń tóraǵasy Ulyqbek Esdáýlet qoǵamdaǵy bıleýshi partıa men shyǵarmashylyq odaq arasyndaǵy Memorandým iri rýhanı jobalarǵa, ulttyq maqsattarǵa, til men dildiń tiregi bolar bastamalarǵa uıytqy bolatynyn aıryqsha atady.
Memorandýmnyń nenizgi maqsaty - memlekettik jáne ulttyq qundylyqtardy dáripteý; QR Tuńǵysh Prezıdenti, «Nur Otan» partıasynyń Tóraǵasy, Elbasy N.Á.Nazarbaevtyń qoǵamdyq sanany jańǵyrtýǵa jáne aýqymdy ınstıtýsıonaldyq reformalardy júrgizýge baǵyttalǵan reformalaryn qoldaý;
memleket basshysy Q.K.Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda aıtylǵan ultty uıystyrý, ulttyq biregeılikti nyǵaıtý, memlekettik tildiń qoldaný aıasyn keńeıtý, eldiń mádenı áleýetin kúsheıtý baǵytyndaǵy mindetterdi iske asyrý;
«Nur Otan» partıasynyń «Ózgerister joly: Ár azamatqa laıyqty ómir!» saılaýaldy baǵdarlamasynda bekitilgen «Parasatty jáne zıatker qoǵam», «Birtutas ult» jáne «Qandastar» baǵyttaryn tıimdi iske asyrý.
Ekijaqty yntymaqtastyq qujatta «Nur Otan» partıasy janyndaǵy «Miras» respýblıkalyq qoǵamdyq keńesiniń jumysyn qoldaý jáne «Ulttyq Mura» partıalyq jobasynyń jumysyn úılestirý maqsatynda taraptardyń ókilettikteri men quzyretteri aıasynda kóptegen jobalar júzege asyrylmaq.
Osy Memorandýmnyń alǵashqy jemisi retinde aldaǵy kúnderi ádebıet pen ónerge qatysty birneshe nomınasıa boıynsha "Uly dala" baıqaýy jarıalanbaq.