Nur Otan partıasy Almaty qalalyq fılıaly alańynda Májilis depýtattary azamattardy qabyldaı̆dy, dep habarlaıdy Almaty-akshamy.kz
Nur Otan partıasynyń Almaty qalalyq fılıaly Májilis depýtattarynyń azamattardy qabyldaý kestesin jarıalady. Karantındik shekteýlerdi eskere otyryp, olar qoǵamdyq qabyldaý alańynda onlaın formatta ótedi, dep habarlaıdy partıanyń qalalyq fılıalynyń baspasóz qyzmeti.
QR Parlamenti Májilisiniń depýtattary – Nur Otan partıasy fraksıasynyń músheleri óńirlerge jumys saparlary aıasynda azamattardy qabyldaıdy. 22 aqpanda májilismenderden Syrym Adambaev, Qanat Nurov, Aıgúl Quspan jáne Juldyz Súleımenova azamattardy qabyldaıdy. Al 23 aqpanda Bekqalı Torǵaev, Aıdos Sarym, Artýr Platonov, Elnur Beısenbaev jáne Mádı Abylaıuly qabyldaý júrgizedi.
Qabyldaýǵa jazylý úshin:
- Call-ortalyǵy: 8 (727) 279-78-00
- WhatsApp: 8 777 640 78 52
Esterińizge salsaq, 2021 jyly partıanyń Almaty qalalyq fılıalynyń qoǵamdyq qabyldaý bólmelerine 8605 adam júgingen (2020 jyly 35 myń adam). Qaraý nátıjeleri boıynsha 57% oń sheshimin tapty, 41% - ǵa túsinikteme berildi jáne 2% baqylaýǵa alyndy. Qoǵamdyq qabyldaý alańdarynda 1068 qabyldaý ótkizilip, 4068 adam qabyldandy.