Qarly, jańbyrly aýa-raıynda kólikterdiń nómirin qar nemese balshyq basyp qalyp jatady. Sáıkesinshe memlekettik nómirler kórinbeı qalýy múmkin. Bul ásirese alys jolda júrgen júrgizýshilerge qatysty. Al memlekettik nómir kórinbese júrgizýshige qansha teńge aıyppul salynady?
Mundaı kólik júrgizýshilerine Ákimshilik quqyqbuzýshylyq týraly kodekstiń 590-baby, 1-bóligi "Kólik quraldaryn paıdalaný erejelerin buzý" boıynsha aıyppul salynady. Ákimshilik jazanyń mólsheri 17 250 teńgeni quraıdy, dep habarlaıdy almaty-akshamy.kz. Sondyqtan júrgizýshiler aınalasyn qar basqan kólikterin tazalaý qajet. Kelesi jyldan bastap bul aıyppuldyń kólemi 19 myń teńgege óspek. Al egerde Ákimshilik quqyqbuzýshylyq bir jyldyń ishinde qaıtalanar bolsa temir tulpar tizgindegender 69 000 teńge tóleýi tıis.
Sondyqtan kólik nómeri jyl on eki aı tehnıkalyq talaptarǵa sáıkes anyq kórinýi tıis. Sebebi júrgizýshiler tek óziniń ómirine ǵana emes, janyndaǵy adamdardyń da ómirine, qala turǵyndarynyń qaýipsizdigine jaýap beredi. Aıta keteıik beınebaqylaý kamerasyna túspeıtin arnaıy jabyndy qoldanǵandarǵa da aıyppul salynady.