Kózden ketse de, kóńilden ketpedi....
Eldi 30 jyldaı basqarǵan tuńǵysh prezıdent Nursultan Nazarbaev 2019 jyly 19 naýryz kúni Prezıdenti retindegi ókilettigin toqtatqan edi, dep habarlaıdy Almaty-akshamy.kz.
Osydan bes jyl buryn dál osy kúni sol kezdegi Memleket basshysy Nursultan Nazarbaevtyń Qazaqstan halqyna úndeý joldady. Onda ol Prezıdenttikten ketetinin málimdegen bolatyn:
«Men Qazaqstan Respýblıkasynyń Prezıdenti retindegi ókilettigimdi toqtatý jóninde sheshim qabyldadym. Bul – ońaı sheshim emes.
Bıyl elimizdiń eń joǵary laýazymyndaǵy qyzmetimdi atqaryp kele jatqanyma 30 jyl tolady.
Halqym maǵan táýelsiz Qazaqstannyń Tuńǵysh Prezıdenti bolý múmkindigin berdi.
Keńes ımperıasy qulaǵan sátte bizdiń saıasatymyz ben ekonomıkamyz quldyrap qaldy. El ishinde qobaljý men túsiniksiz jaǵdaı oryn aldy.
İshki jalpy ónim eki ese qysqardy, azyq-túlik pen halyq tutynatyn taýarlardyń tapshylyǵy aıqyn sezildi. Bir mezette iri zaýyttardyń bári toqtap qaldy. Dúnıe tóńkerilip ketkendeı kórindi.
Bul synaq bolatyn. Biz odan súrinbeı ótip, damýdyń qazaqstandyq jolyn salýǵa belsene kirisip kettik», - degen bolatyn Nursultan Nazarbaev 2019 jyly 19 naýryzdaǵy úndeýinde.
Sol kezde Nazarbaev óziniń ornyn oǵan laıyqty azamat retinde Qasym-Jomart Kemelulyna senip tapsyrǵan edi.