«Almaty – bizdiń ortaq úıimiz» naýqany bastalǵaly beri 30 myńnan astam japyraqty aǵash jáne 5 myń buta otyrǵyzyldy, dep habarlaıdy almaty-akshamy.kz.
Mysaly, Nú-Iorktiń áıgili Ortalyq saıabaǵynda 18-den 25 myńǵa deıin aǵash bar. Kóbinese álemde japyraqty aǵashtardan turatyn úlken saıabaqtar «qalanyń ókpesi» sanalady.
Almaty ákimi Erbolat Dosaevtyń bastamasymen aǵashtardy jappaı otyrǵyzý 27 sáýirde ótti. Aksıa barysynda qalanyń barlyq aýdanynda barlyǵy 8 205 jasyl jelek, onyń ishinde 4 myńnan astam alma aǵashy otyrǵyzyldy.
Sonymen qatar, «Jasyl aýla» aksıasy aıasynda qala turǵyndaryna 3 myń kóshet, «Almaty – baq qala» jalpyqalalyq aksıasy barysynda 8 myńnan astam kóshet taratyldy.
Bıyl 19 sáýirde barlyq jalpy bilim beretin mektepterde «Mektep aýlasynyń oazısi» landshafty dızaın festıvali ótti. Festıvál aıasynda 5-11 synyp oqýshylary 20 myńnan astam gúl, 430 jemis aǵashy jáne 200 týıa kósheti otyrǵyzyldy.
Esterińizge sala keteıik, Memleket basshysynyń tapsyrmasymen eldi meken aýmaǵyn abattandyrý jáne kógaldandyrý týraly «Taza Qazaqstan» aksıasy aıasynda Almaty qalasy ákimdigi 2024 jylǵy 8 sáýir men 8 mamyr aralyǵynda «Almaty – bizdiń ortaq úıimiz» naýqanyn ótkizdi. Naýqannyń negizgi maqsaty – qala ınfraqurylymyna uqypty qaraý qundylyǵyn qalyptastyrý, halyqty joǵary azamattyq jaýapkershilik pen ekologıalyq mádenıetke tárbıeleý.