Semeı polıgonynyń jabylýyna arnalǵan kórmede fotojumystar tanystyryldy
BUU-nyń Nú-Iorktegi shtab-páterinde Semeı polıgonynyń jabylýyna arnalǵan kórme ashyldy. Oǵan adamzat balasynyń ıadrolyq synaqtardan tartqan azaby beınelengen fotojumystar qoıyldy, dep habarlaıdy Almaty-akshamy.kz.
Sondaı-aq Elbasy Nursultan Nazarbaevtyń polıgondy jabý jónindegi 1991 jylǵy 29 tamyzdaǵy Jarlyǵynyń kóshirmesi kelýshiler nazaryna usynyldy. Sharaǵa qatysýshylar Qazaqstannyń ıadrolyq qarýdan bas tartýy ózge memleketterge úlgi bolatynyn taǵy bir márte atap ótti.
«Kórmeden erekshe áser aldym. Jalpy, Qazaqstannyń Semeı polıgonyn jabýy - batyl sheshim. Álemdik qaýymdastyqta bul bastama týraly kóp aıtylady. Aldaǵy ýaqytta Qazaqstanmen birge ıadrolyq qarýsyzdandyrý jolynda tájirıbe almasyp, birge jumys isteımiz dep oılaımyn», - deıdi BUU bas hatshysynyń qarýsyzdandyrý máseleleri jónindegi orynbasary Izýmı Nakamısý.