Amerıkalyq azamat qazaq tilin Ninety one tobynyń ánderinen úırengen.
AQSH-tyń Qazaqstandaǵy elshiligi ókilderi sheteldiktiń oqıǵasyn aıtyp berdi, dep habarlaıdy Almaty-akshamy.kz.
Evan Allen Tarazdaǵy ýnıversıtetterdiń birinde aǵylshyn tilinen sabaq beredi. Ol orys tilin múlde bilmeıtinin, sondyqtan qazaq tilin úırenýge derekkóz tabý qıyn bolǵanyn aıtty.
«Ninety one tobyn tapqan kezde, qatty qýandym. Men olardyń ánderinen tildi úırene bastadym, olardan sózder men ıntonasıalardy qaıtalaı bastadym. Qazaq tilin úırenýge kóp ýaqyt jumsadym», - deıdi sheteldik.
Evan top ánderiniń barlyq sózin biledi. Onyń qazirgi armany - Qazaqstanda júrgende toppen tanysý.
«Ótken aıda men olardyń Astanadaǵy jeke konsertine bardym. Onda bolǵanyma óte qýanyshtymyn. Bir kúni toppen kezdesip, olarǵa jeke alǵys aıtamyn dep oılaımyn», - dedi Evan.