Nıgerıanyń 12 azamaty Qazaqstanda zańsyz jumys istegen.
Polıseıler olardy qaladaǵy hostelderden tapty, dep habarlaıdy Almaty-akshamy.kz.
– QR-nyń kóshi-qon zańnamasyn saqtaý boıynsha reıdter quqyq buzýshylyqtyń aldyn alýǵa jáne zańsyz kóshi-qon arnalaryn anyqtaýǵa baǵyttalǵan. Bir apta ishinde basqa elderdiń 50 azamaty jáne kórshiles elderdiń 165 azamaty ákimshilik jaýapkershilikke tartyldy. 104 shetel azamaty qujattarynyń bolmaýyna baılanysty qabyldap-taratýǵa ornalastyryldy. Taǵy 22 shetel azamaty Qazaqstan Respýblıkasynan shyǵaryldy. Sonymen qatar 54 jeke jáne zańdy tulǵa, onyń ishinde Brazılıanyń 2 azamatyn zańsyz jumysqa tartqan fırmalardyń biriniń basshylyǵy ákimshilik jaýapkershilikke tartyldy, – dedi Almaty qalasy PD kóshi-qon qyzmeti basqarmasynyń bastyǵy Asqat Býtýnchınov.
Reıdtik is-sharalardyń maqsaty – qoǵamdyq tártipti saqtaý, Qazaqstan Respýblıkasynda bolý erejelerin buzý derekterin jáne sheteldikterdi zańsyz jumysqa ornalastyrý derekterin anyqtaý, sondaı-aq shetel azamattary tarapynan qylmystar men quqyq buzýshylyqtardyń aldyn alý.