Jeke tulǵalarǵa berilgen nesıe mólsherlemesi 21,6%-ǵa ósti. Ortasha mólsherleme qyrkúıektiń aıaǵyna deıin 20,2% bolǵan. Bul týraly Ulttyq banktiń «Qazaqstannyń bank sektory men ekinshi deńgeıdegi bankterdiń ekonomıkany kredıtteýi» týraly dereginde jazylǵan.
Sáýirden maýsymǵa deıin teńgedegi nesıe arzandaı tústi. Qyrkúıekte shetel valútasyndaǵy nesıe jeke tulǵalarǵa qoljetimdi boldy. Sonda kórsetkish 5,4%-dan 4,4%-ǵa tómendedi. Zańdy tulǵalarǵa qatysty teńgedegi nesıe mólsherlemesi ózgermeı, 17,6% deńgeıinde qaldy.
Halyq jeke tulǵa bankrottyǵyna kóbirek júgine bastaǵan. Alaıda bankrottyqqa bergen ótinimniń 75%-y maquldanbaǵan. «Qoldau.kz» platformasynyń málimetinshe, jeke tulǵalardan bankrottyqqa 124,5 myń ótinish túsken. Bul ótinishterdegi tólenbegen borysh somasy – 266 mlrd teńge.
Maquldanbaýdyń basty sebepteri – ótinish berýshiniń atynda dúnıe-múliktiń bolýy, qaryz merzimi men somasynyń bankrottyq talaptaryna saı kelmeýi.