Almaty qalasynyń №7 qalalyq klınıkalyq aýrýhanasynyń qabyldaý bólimshesine qart áıel óte aýyr jaǵdaıda tústi. Qatty aýyrsyný jáne ýlaný sındromy saldarynan jalpy jaı-kúıi aýyr dep baǵalandy. Buǵan deıin bes kún boıy áıeldiń oń jaq bel tusynda qatty aýyrsyný, jıi zár shyǵarý, aýyzy qurǵaý, shóldeý, júrek aıný, jalpy álsizdik belgileri bolǵan.
Ózi tirkeýde turǵan emhanaǵa medısınalyq kómekke júginbegen. Úı jaǵdaıynda óz betinshe dárilik zattar qabyldaǵan, biraq em nátıje bermegen. Keıinnen joǵaryda atalǵan shaǵymdary údeıe túsken. №7 qalalyq klınıkalyq aýrýhanada naýqasty terapevt, ýrolog, reanımatolog mamandar qarady.
«Naýqastyń óte aýyr jaǵdaıy, negizgi aýyr dıagnozǵa baılanysty – búırek pen nesepaǵardyń bitelýimen birge júretin gıdronefroz (nesep-tastyń qaýipti asqynýy), onyń asqynýlary men qatar júretin aýrýlary (jiti irińdi sıstıt, ýrosepsıs, nesepaǵardyń ýrolıtıazy, pıelonefrıt, gıpertonıa, jańadan anyqtalǵan qant dıabeti, ekinshilik trombosıtopenıa, ekinshilik anemıa), bul aýrýdyń klınıkasyn odan ári aýyrlatady. Ýrosepsıstiń ómirge qaýip tóndiretin asqynýy qant dıabeti aıasynda ınfeksıalyq-ýyttyq shokqa ákelýi múmkin, onyń saldary ólim bolýy múmkin», – dedi №7 QKA-nyń ýrologıa bólimshesiniń meńgerýshisi Erkebulan Tólegenov.
Dáriger Tólegenov sondaı-aq pasıenttiń jalpy jaǵdaıyn – ýrosepsıs, azot almasýynyń ónimderimen ýlaný jáne sý-elektrolıttik teńgerimsizdik, zerthanalyq derekterge jáne pasıenttiń klınıkasyna sáıkes dárigerler densaýlyǵyna baılanysty shuǵyl hırýrgıalyq aralasý týraly sheshim qabyldaǵanyn habarlady.
Naýqastyń emin baqylaýshy ýrolog-dáriger Erlan Qońyrovtyń aıtýynsha, zárdiń shyǵýyn qalpyna keltirý boıynsha tehnıkalyq jaǵynan kúrdeli ota sátti jasaldy.
«Biz nesep joly men búırek jambasyndaǵy bitelýdi transýretraldy alyp tastaýdy» sátti júrgizdik (ýreteroskopıa, sol jaq búırekti stentteý). Operasıa kezinde nesep jolynyń strıktýrasy ortasha úshten bir deńgeıde boldy jáne tehnıkalyq qıyndyqtarmen ishki stent – kateter ornatyldy, bul zárdiń shyǵýyn qalpyna keltirdi», – dep atap ótti dáriger E.Qońyrov.
Pasıenttiń operasıasy MÁMS aıasynda jasaldy. Pasıent 8 táýlikten keıin qanaǵattanarlyq jaǵdaıda stasıonardan shyǵaryldy.
Durys tańdalǵan em jáne jaqsy jasalǵan operasıa pasıentti ómirine qaýip tóndiretin jaǵdaıdan alyp shyqty, búırek fýnksıasyn joǵaltý qaýpiniń joǵary bolýynyń aldyn alýǵa jáne sonyń saldarynan ýaqytsha nemese ómir boıy búırek almastyrý terapıasyn (baǵdarlamalyq gemodıalız jáne t.b.) júrgizý qajettiligine múmkindik berdi.