Alýa Joldybalına, QR Prezıdenti janyndaǵy QSZI dırektorynyń orynbasary:
Referendým - halyq pen memleket úshin mańyzdy proses.
Halyq arasynda nege referendým bolaıyn dep jatyr suraq bar. Osy oraıda saılaý men referendýmnyń aıyrmashylyǵyna toqtala ketsek, negizi ekeýi uqsas proses, ekeýinde de halyq qatysady. Biraq referendýmda kez kelgen másele kún tártibine shyǵa bermeıdi.
Onda jıi shyǵatyn másele konstıtýsıalyq ózgeris, ekinshi másele Prezıdenttiń ókilettigin uzartýǵa baılanysty ótkizedi jáne úshinshiden táýelsizdikke qatysty, ıaǵnı kez kelgen memleket belgili odaqqa múshe bolady nemese odan shyqqan kezde referendým ótkizedi. Demek, halyq úshin mańyzdy taqyryptar referendým arqyly sheshimin tabady.