Ýaqytsha ustaý ızolátoryna qamaldy.
Almaty máıithanasyndaǵy múrdelerge azǵyndyq jasaǵan kúzetshi 3 jylǵa sottalýy múmkin, dep habarlaıdy Almaty-akshamy.kz
Almatyda nekrofıldiń ustalǵany týraly aqparat áleýmettik jelide tarady.
Jýrnalıs Mıhaıl Kozachkov óziniń Telegram-daǵy arnasyna qalalyq máıithananyń kúzetshisi ustalǵanyn jazdy. QR Qylmystyq kodeksiniń 314-baby («Qaıtys bolǵandardyń máıitteri men olardyń jerlengen jerlerin qorlaý») boıynsha qylmystyq is qozǵalǵan.
«Mendegi aqparat boıynsha, qylmysker telefonyn ótkizýge alyp kelgen kezde lombard qyzmetkerleri ony áshkereleýge kómektesken. Telefondy baǵalaý kezinde odan apparattyń ózine tıesili ekenine kóz jetkizý úshin galereıasyn ashýdy suraıdy. Ol jerde 18+ fotolar bolǵan», - dep jazdy jýrnalıs.
QR QK-niń 314-baby sanksıasy aıyppul, qoǵamdyq jumystar jáne tipti 3 jylǵa deıingi merzimge bas bostandyǵynan aıyrý jazasyn kózdeıdi.
«Atalǵan fakti boıynsha qylmystyq is qozǵaldy. Kúdikti ustaldy jáne ýaqytsha ustaý ızolátoryna qamaldy. Tergeý jalǵasyp jatyr», - dep málimdedi Almaty qalasynyń PD baspasóz qyzmeti.