Parlament osyndaı zań qabyldady.
Parlament palatalarynyń birlesken otyrysynda «Qazaqstan Respýblıkasynyń Tuńǵysh Prezıdenti - Elbasy týraly» Konstıtýsıalyq zańnyń kúshi joıyldy dep taný týraly» Konstıtýsıalyq zań jobasyn eki oqylymda qarap, qoldap daýys berdi, dep habarlaıdy Almaty-akshamy.kz
Májilis depýtaty Erlan Saıyrov byltyr búkilhalyqtyq referendým nátıjesinde elimizde jańa Konstıtýsıa qabyldanǵanyn eske saldy. Jańa Konstıtýsıany jaqtap Qazaqstan halqynyń 77%-y daýys berdi.
Konstıtýsıaǵa engizilgen ózgertýlerge sáıkes, Qazaqstan Respýblıkasy Tuńǵysh Prezıdenti – Elbasynyń mártebesi men ókilettigi Respýblıka Konstıtýsıasymen jáne konstıtýsıalyq zańmen aıqyndalady degen normany kózdeıtin Konstıtýsıanyń 46-baby 4-tarmaǵy alynyp tastaldy.
«Qazaqstannyń demokratıa men plúralızmge bet alyp, tereń saıası transformasıa jasaý kezeńinde, jeke toptardyń bılikti menshikteýge jeteleıtin qandaı da bir tetikterge jol bermeý mańyzdy. Sondyqtan Májilistiń bir top depýtaty halyqtyń basym kópshiliginiń suranysyn eskere otyryp, atalǵan zań jobasyn usyndy», - dep túsindirdi Saıyrov Senat pen Májilistiń birlesken otyrysynda.
«Jańa Qazaqstan» depýtattyq toby Elbasy týraly zańnyń kúshin joıý máselesine qatysty Konstıtýsıalyq sotqa júgingen. Konstıtýsıalyq sot bul zańnyń elimizdiń jańa Ata zańyna sáıkes kelmeıtindigi jóninde sheshim shyǵardy.
«Qazaqstannyń qoǵamdyq prosesinde saıası ınstıtýttarǵa monopolıa qurý áreketteri, ómir kórsetkendeı, elde saıası qundylyqtardy devalvasıalap, memleket damýyna keri áser tıgizýge qabiletti. Sondyqtan mundaı olqylyqtarǵa bolashaqta qoǵamdyq-saıası ımýnıtet qalyptastyrý óte mańyzdy! Joǵaryda aıtylǵandy basshylyqqa alyp, saıası-quqyqtyq negiz joq ekenin eskere otyryp, «Qazaqstan Respýblıkasynyń Birinshi Prezıdenti - Elbasy statýsy» jónindegi Konstıtýsıalyq zańnyń kúshin joıý jónindegi Konstıtýsıalyq zań jobasy usynylady», - dedi depýtat.
Onyń aıtýynsha, bul qadam elimizde Ata zańymyzdyń normalaryn qatań saqtaýǵa, saıası ınstıtýttardy bóten proteksıalyq kúshterden saqtandyrýǵa baǵyttalǵan saıası-quqyqtyq akt.
Konstıtýsıalyq zańnyń qabyldanýy teris quqyqtyq jáne áleýmettik-ekonomıkalyq saldarǵa ákelmeıdi, búdjetten qosymsha qarjy talap etpeıdi.
Parlament depýtattary «Qazaqstan Respýblıkasynyń Tuńǵysh Prezıdenti - Elbasy týraly» Konstıtýsıalyq zańnyń kúshi joıyldy dep taný týraly» Konstıtýsıalyq zańdy qabyldady.