Zaýyt 2022 jyly bankrotqa ushyrasa da, uzaq ýaqyt jumysyn toqtatpaǵan.
2022 jyldyń qyrkúıeginde Aqtóbe oblysynyń mamandandyrylǵan aýdanaralyq soty "Aqtóbe óndiristik kompanıasy" JSHS bankrotqa ushyraǵan basqarýshysynyń, ıaǵnı Qazaqstannyń eks-prezıdentiniń inisi Bolat Nazarbaevtyń ústinen bergen talap-aryzy boıynsha sheshim shyǵardy, dep jazady Almaty-akshamy.kz Liter.kz-ke silteme jasap.
2007-2012 jyldar aralyǵynda "Keńestik alkogól ındýstrıasy" JSHS (SovAlkoProm) degen ataýmen etıl spırtin shyǵarǵan. 2012 jyly kompanıa ıelerin tolyǵymen aýystyrdy. Kenet quryltaıshylar qataryna Bolat Nazarbaev pen Tahır Gýseınov kirip, kompanıa ataýy "BN Aktobe" JSHS bolyp ózgertilgen. Kásiporynnyń ataýy endi alkogólge qatysty bolmasa da, JSHS etıl spırtin óndirýdi jalǵastyryp otyrǵan.
2018 jyly kompanıanyń ataýy "Aqtóbe óndiristik kompanıasy" JSHS bolyp qaıta tirkelipti. Iaǵnı, odan Bolat Nazarbaevtyń qysqartylǵan aty-jóni alynyp tastaldy. Biraq ol da, seriktesi Tahır Gýseınov te áli kúnge deıin onyń ıeleri bolyp qala berdi.
Al 2022 jyly bankrottyq jónindegi menedjerdiń Bolat Nazarbaevqa qarsy shaǵymy boıynsha sot prosesi bastalǵan.
Sot otyrysynda anyqtalǵandaı, 2013 jyly zaýyttyń qojaıyny atanǵan Bolat Nazarbaev 1,5 mlrd teńgege nesıe shartyn jasasqan. Onyń aıtýynsha, Nazarbaev bul aqshany 10 jyl ishinde, paıyzsyz nesıe shartymen kompanıaǵa birtindep quıyp jatyr.
2020 jyldyń 2 sáýirindegi jaǵdaı boıynsha, kompanıanyń Bolat Nazarbaev aldyndaǵy qaryzy 1,2 mlrd teńge boldy. Ony óteý úshin JSHS barlyq múlkin aýksıon arqyly satýǵa tyrysady, biraq olar sátsizdikke ushyraıdy. Bolat Nazarbaev bolsa, kompanıanyń barlyq aktıvin 751 mıllıon teńgege satyp alady. Nazarbaevtyń aqshasyn tólep, 2021 jyly kompanıa bankrotqa ushyrap, bankrottyq rásimin júrgizýge aryz jazǵan.