Qazir keńseni qaıta qurylymdaý prosesi júrip jatyr.
Qarjy mınıstri Erulan Jamaýbaevtyń aıtýynsha, zań aıasynda Nursultan Nazarbaev keńsesiniń jumysy toqtatylady, dep habarlaıdy Almaty-akshamy.kz
Onyń aıtýynsha, qazir keńseni qaıta qurylymdaý prosesi júrip jatyr. Qyzmetkerlerdi jumystan shyǵarý, oryndardy basqalarǵa berý jumysy júrgizilip jatyr.
"Kez kelgen adamdy jumystan shyǵarý úshin biz eńbek zańyn saqtaýymyz kerek. Elbasy keńsesi jalpy zańda kórsetilgen aıasynda ǵana jumys isteıtin bolady. Tek qana keńse emes, kitaphana bar, onda qundy-qundy dúnıeler bar. Ony qandaı mınıstrliktiń, qandaı memlekettik organnyń aıasyna aýystyrý kerek, qaıta qurý kerek, jalǵyz tastap ketpeımiz ǵoı", - dedi Jamaýbaev májilis kýlýarynda.
Osy oraıda jýrnalıser odan Elbasy keńsesi jumysyn jalǵastyra ma, joq álde toqtatyla ma dep naqtylady.
"Qazir qaıta qurylymdaý prosesi júrip jatyr. Negizinen jalpy zań aıasynda onyń jumysy toqtatylady", - dep jaýap berdi mınıstr.
BAQ ókilderi "Nazarbaevtyń keńsesin japsa, eks-prezıdent qaıda jumys isteıdi?" dep te surady.
"Muny onyń aınalasyndaǵy adamdardan surańyzdar. Men qaıdan bileıin. Olardan surańyz, basqa keńseleri bar shyǵar", - deıdi vıse-premer.
Aıtýynsha, qaıta qurylymdaýdan shamamen jylyna 2-3 mıllıard teńge únemdeledi.