Bul týraly Óńirlik komýnıkasıalar qyzmetiniń brıfıńinde Almaty qalasy Naýryzbaı aýdanynyń ákimi Sanjar Toǵaı málimdedi, dep habarlaıdy Almaty-akshamy.kz.
Qala turǵyndaryna yńǵaıly bolý úshin «Alma sıtı E-5» TK jáne Karernaıa kóshesi turǵyndarynyń ótinishi boıynsha №31 jáne 67 avtobýs marshrýttary uzartyldy. №44 jáne 137 baǵyttar jańartyldy.
Aýdan ákimi baǵyttardyń, jyljymaly quramnyń, sondaı-aq avtobýs aıaldamalarynyń jetispeýshiligi ózekti bolyp qalatynyn aıtty. "Shuǵyla", "Quramys", "Tastybulaq" shaǵynaýdandarynda qosymsha marshrýttyq jelilerge jáne jyljymaly quramdy ulǵaıtý qajettiligi bar.
«1 qyrkúıekke deıin qalanyń batys bóliginde marshrýttyq jelini ońtaılandyrýdy josparlap otyrmyz, onyń aıasynda №49 (shaǵyn aýdan baǵyty boıynsha) jańa marshrýt ashylady. Abaı-Karernaıa kóshesi – «Momyshuly» metro stansıasy) jáne №110 marshrýt («Momyshuly» metro stansıasyna deıin) uzartylatyn bolady, bul Naýryzbaı aýdanynyń kólik qyzmetin jaqsartýǵa kómektesedi», - dep habarlady Sanjar Toǵaı.
Aýdan ákimi aıaldama keshenderiniń qurylysyna jeke toqtaldy. Ázirge olardyń sany - 35. Jyl sońyna deıin barlyq zamanaýı talaptarǵa saı keletin 8 tolyq aıaldama ornatylady.
Sanjar Toǵaı kóp qabatty turǵyn úılerdiń qarqyndy salynýyna baılanysty aldaǵy bes jylda Naýryzbaı aýdany halqynyń sany 150 myń adamǵa artady dep kútilýde.
«Osyǵan baılanysty Alataý kóshesiniń Abaı dańǵylyndaǵy stansıadan bastap, Áshimov kóshesiniń buryshynan «Barlyq» bazary aýdanyndaǵy stansıaǵa deıingi metro trassasy ózgertildi. Qazirgi ýaqytta Abaı dańǵylynyń boıynda Iassaýı kóshesinen batys baǵytta Áshimov kóshesiniń qıylysyna deıin ornalasqan «Qalqaman» stansıasynyń qurylysy bastaldy. Aıaqtalý merzimi - 2025 jyl», - dep jalǵastyrdy aýdan ákimi.
Jalpy alǵanda, 2026 jylǵa deıin Naýryzbaı aýdanynda uzyndyǵy 5,2 km 3 stansıa salynady (búginde tehnıkalyq-ekonomıkalyq negizdemeni ázirleýge konkýrstyq rásimder júrgizilýde).
Budan ózge, «Barlyq» bazary aýdanynda 5 myń avtomobılge arnalǵan kólik-aýystyryp mingizý toraby kózdeletin bolady.