Kúndelikti shamamen 150 adamǵa ekpe salynady.
Ekpe egý naýqanynyń bastapqysynda Almaty qalasy Naýryzbaı aýdanynda KVI-den birinshi satyly vaksınany búgingi kúni 49 572 adam aldy, bul degenimiz aýdan boıynsha 93,1%-dy quraıdy jáne 34 911 adam vaksınanyń ekinshi komponentin alǵan (70%), dep habarlaıdy Almaty-akshamy.kz Almaty.tv cilteme jasap.
«Kúndelikti bizde shamamen 150 adamǵa ekpe salynady. Ekpe alǵandardyń barlyǵy ózderin jaqsy sezinedi. Búgingi kúnge deıin densaýlyqtarynda qandaı da bir aqaýlar anyqtalmaǵan. Barlyq turǵyndardy ujymdyq ımýnıtet qalyptasyp, ınfeksıanyń taralýyna jol bermeý maqsatynda vaksına alýǵa shaqyramyz. Vaksınany qaladaǵy kez kelgen emhanada kúndelikti saǵat 8.00 men 20.00 aralyǵynda alýǵa bolady. Qazirgi tańda vaksına alǵandardyń keıbireýiniń koronavırýs ınfeksıasyn juqtyrǵan jaılar kezdesýde. Degenmen, olardyń ekpe salýdan bas tartqandarǵa qaraǵanda, ol ınfeksıanyń aýyr saldarynsyz asa jeńil túrde aýyratynyn aıta ketken jón», – dedi Naýryzbaı aýdany aýdandyq medısına uıymdarynyń basshysy Gúljaınat Tilegen.
Ár azamat, bekitilgen jerine qaramastan, qaladaǵy kez kelgen emhanada vaksına ala alady. Shet el azamattary bolsa, eger turǵylyqty mekenjaı yhtıarhaty bolyp emhanaǵa bekitilse, onda olarǵa medısınalyq kómek barlyq qajetti kóleminde kórsetiledi. Sondaı-aq vaksına ala alady.
Jalpy, qala boıynsha medısına uıymdarynda, mektepterde, mádenıet, sport nysandarynda, bazar jáne OSSO-da 212 (250-ge deıin kóbeıtý múmkindigimen) vaksına salý pýnkti qyzmet etýde. Jáne 1 260 adamnan quralǵan 308 ekpe salý brıgadasy qarastyrylǵan.