Naýryzbaı aýdanynyń ákimi Sanjar Toǵaı Óńirlik komýnıkasıalar qyzmetiniń brıfıńinde sóılegen sózinde aýdandaǵy «Búdjetke qatysý» jobasynyń júzege asyrylýy men turǵyndardy qoǵamdyq kóliktermen qamtamasyz etý máseleleriniń sheshimi týraly aıtty.
S. Toǵaıdyń aıtýynsha, aýdan turǵyndarynyń demalýy úshin qoǵamdyq keńistikter men demalys oryndaryn qurý úshin "Shuǵyla" shaǵynaýdanyndaǵy ákimshilik ortalyqtyń aldynda jáne "Qalqaman" shaǵynaýdanynda saıabaqtar ashý, sondaı-aq Qarǵaly ózeniniń jaǵalaýyn abattandyrý josparlanýda.
«Bıyl bizge 100-den astam usynys tústi, onyń ishinde 50 joba maquldandy. Jobanyń aıasynda 18 jerde balalar men sport alańdary salynady, 17 mekenjaıda jasyl aımaqtar uıymdastyrylady, jaıaý júrginshiler joldary salynady, al qalǵan 15 jobada aryq jelisin salý, jaryqtandyrý, aıaldamalar salý jáne taǵy basqalary júzege asady», - dedi aýdan ákimi.
S. Toǵaı sonymen qatar «Búdjetke qatysý» baǵdarlamasy aıasynda Qalqaman, Qaraǵaıly, Shuǵyla, Meıram, Taýsamaly shaǵynaýdandaryndaǵy balalar men sport alańdaryna aǵymdaǵy jóndeý júrgiziletinin atap ótti. Onda trotýarlar, jaıaý júretin jerler, kósheler men saıabaqtar jóndeledi. Tastybulaq shaǵynaýdanynda turǵyndardyń kóptegen tilekteri boıynsha jaryqtandyrý jelileri jóndeledi.
Joba aıasynda "Tastybulaq", "Qalqaman", "Taýsamaly", "Qaraǵaıly" shaǵynaýdandaryndaǵy aıaldama keshenderi men qoqys alańdary jóndeledi.
Naýryzbaı aýdanynyń ákimi turǵyndardy qoǵamdyq kóliktermen qamtamasyz etý týraly da aıtty. Onyń aıtýynsha, búginde qoǵamdyq kólikter aýdanda 21 baǵyt boıynsha júredi.
S. Toǵaı qoǵamdyq kólik máselelerin sheshý úshin qoldanystaǵy baǵyttarda avtobýstardy kóbeıtý, syzbalardy ózgertý, qoldanystaǵy baǵyttardy uzartý jáne jańa baǵyttardy uıymdastyrý nusqasy qarastyrylyp jatqanyn atap ótti.
Mysaly, «Shuǵyla» shaǵyn aýdanyna kiretin baǵyttardy, 44 baǵyttaǵy avtobýstar sanyn kóbeıtý, avtobýstar sanynyń artýymen 110 marshrýtty Mereke kóshesine deıin uzartý josparlanýda. Sondaı-aq Úshqońyr men Seıdimbek kóshelerin qamtıtyn №39 marshrýt sqemasyn, sondaı-aq birde bir marshrýt joq "Quramys" shaǵynaýdanyn ózgertý josparda bar.
Ázirge №104a baǵdary Baızaq batyr, Aqtamberdi jyraý, Júnisov, Kenjetaev, Jaqybaev kóshelerin qamtı otyryp ózgertildi.