Aýdanda balabaqshalar men mektepter qurylysy qarqyn alýda
Óńirlik komýnıkasıalar qyzmetiniń baspasóz konferensıasynda Naýryzbaı aýdanynyń ákimi Sanjar Toǵaı mektepter men balabaqshalardyń qurylysy boıynsha iske asyrylyp jatqan jáne josparlanyp otyrǵan jobalar týraly aıtyp berdi, dep habarlaıdy Almaty-akshamy.kz
Aýdan ákimi qazirgi ýaqytta "Qalqaman" shaǵynaýdanynda 1 800 oryndyq mekteptiń qurylysy júrip jatqanyn, jumystar aǵymdaǵy jyldyń jeltoqsan aıynda aıaqtalatynyn habarlady. Munda 1 500 oryndyq mektep salynýda, ony 2022 jyldyń maýsym aıynda paıdalanýǵa berý josparlanyp otyr. Sonymen qatar, "Aqjar" shaǵynaýdanyndaǵy № 186 mekteptiń janyndaǵy qosalqy nysannyń qurylysy aıaqtalýda.
"Sondaı-aq "Qarǵaly" shaǵynaýdanynda «Zerde» jeke mektebi salynýda. Aıaqtalý merzimi – 2022 jyldyń 2 toqsany. № 7 qalalyq klınıkalyq aýrýhananyń qabyldaý bóliminiń qurylysy júrip jatyr", - dedi Sanjar Toǵaı. - Budan basqa, "Shuǵyla" shaǵynaýdanyndaǵy № 36 qalalyq emhanada modýldik KT-ortalyǵyn ornatý bastaldy. Al 16 nysanda kóp qabatty turǵyn úılerdiń qurylysy bastaldy.
Naýryzbaı aýdanynyń ákimi mektepter men balabaqshalardyń qurylysy boıynsha josparlanǵan jobalar týraly da aıtyp berdi. Onyń aıtýynsha, "Shuǵyla" shaǵynaýdanynda eki mektep salynady – Alma sıtı-5 TK aýmaǵynda – 1 200 oryndyq, al «Nurly dala» TÚK aýmaǵynda – 1 500 oryndyq. Osy shaǵyn aýdanda 320 oryndy balabaqsha qurylysy josparlanýda.
"Quramys" shaǵynaýdanyndaǵy jer ýchaskesinde 1 200 oryndyq mektep salý josparlanǵan. Qazirdiń ózinde JSQ-ny ázirleý bastaldy. Sol shaǵynaýdanda 320 oryndy balabaqsha boıynsha jobalyq-smetalyq qujattama ázirlenýde", - dedi aýdan ákimi.
"Aqjar" shaǵynaýdanynda (320 oryndy) jáne "Qalqaman" shaǵynaýdanynda (240 oryndyq) balabaqshalar salý josparlanýda. Ákimdik sondaı-aq №15 sanatorlyq-mektep ınternatyn qaıta jańartý jáne 300 oryndyq jataqhana salýdy josparlap otyr. Sonymen qatar, mektep aýmaǵynda 120 oryndyq balabaqsha qurylysy qarastyrylǵan. Qurylys jumystary 2022 jyldyń II toqsanyna josparlanǵan.