Boryshyn ótegen almatylyq sarbaz ata-anasymen júzdesti
Naýryzbaı aýdanynda er balalardy áskerge shyǵaryp salý rásimi ótti, dep habarlaıdy Almaty-akshamy.kz Almaty.tv-ge silteme jasap.
Kúzgi merzimdi áskerı qyzmetke shaqyrý naýqanyna oraı uıymdastyrylǵan is-sharaǵa áskerı qyzmetkerler, ardagerler men jastar qatysty. Úrmeli orkestrdiń oryndaýyndaǵy patrıottyq ánder shyrqalyp, ulttyq án-bı sahnalandy. Bıyl aýdan boıynsha kóktemde 150 bala áskerge attanǵan, kúzde taǵy 200 azamat sarbaz atanbaq.
«Sharanyń maqsaty – aýdanymyzdaǵy, qalamyzdaǵy jastardy ásker qataryna shaqyrý, patrıottyq rýhta tárbıeleý. Jelilerde oı týyndap jatady. Áskerge kelýdiń, sonyń qyr-syryn sarbazdardyń ózin shaqyryp, qandaı ekenin aıtqyzyp, jastardy boryshyn óteýge shaqyryp jatyrmyz», – dedi Naýryzbaı aýdany ákiminiń orynbasary Mıras Nysanálıev.
Saltanatty is-shara kezinde áskerı qyzmetin Shymkent qalasynda úzdik atqarǵan almatylyq sarbaz arnaıy shaqyrtylyp, ata-anasymen júzdesti. Keler býynǵa úlgi bolsyn degen uıymdastyrýshylar tosyn syı jasapty.
«Qýanyshymyzda shek joq. Ákimshilikke, voenkomat basshylyǵyna rahmet! Balalar aman-esen baryp keldi. Búgin bizge tosyn syı jasady. Balalar barsyn, ár balanyń mindeti – boryshyn óteý», – dedi ata-ana Qabylanbek Qarakúshikov.