Qosymsha poıyzdar qaı óńirlerge qatynaıdy?
«Jolaýshylar tasymaly» AQ Naýryz merekesinde jolaýshylar aǵynynyń kóbeıýine baılanysty qosymsha komersıalyq poıyzdardy iske qosady, dep habarlaıdy Almaty-akshamy.kz «Qazaqstan temir joly» AQ baspasóz qyzmetine silteme jasap.
Atap aıtqanda, «Nur-Sultan Nurly jol-SHymkent» baǵytyndaǵy №202/201 poıyzy elordadan 2022 jyldyń 18, 21 jáne 24 naýryzynda jóneltiledi. Shymkentten 2022 jyldyń 19, 21 jáne 25 naýryzynda keri qaıtatyn bolady;
- «Nur-Sultan Nurly jol-Almaty-1» baǵytyndaǵy №204/203 poıyzy elordadan 2022 jyldyń 18 jáne 21 naýryzynda jolǵa shyǵady. Sol poıyz 2022 jyldyń 19 jáne 22 naýryzynda keri qaıtady; - «Aqtóbe-Atyraý» baǵytyndaǵy №206/205 poıyzy Aqtóbeden 2022 jyldyń 18 jáne 20 naýryzynda, al Atyraýdan 2022 jyldyń 19 jáne 21 naýryzynda jolǵa shyǵady;
- «Almaty-2-SHymkent» baǵytyndaǵy №207/208 poıyzy Almatydan 2022 jyldyń 18 jáne 20 naýryzynda jóneltiledi. Bul poıyz 2022 jyldyń 19 jáne 21 naýryzynda keri qaıtady.
Budan basqa, Qazaqstan men Reseı arasyndaǵy shekara ashylǵanǵa deıin tórt halyqaralyq poıyzdyń marshrýttary ýaqytsha qysqartyldy. Olar oblysishilik qatynasta júretin bolady:
- «Almaty-2-Saratov» baǵytyndaǵy №7/8 poıyzy Oral stansıasyna deıin qysqartyldy. Ol Almatydan 2022 jyldyń 1 naýryzynan taq kúnderi, Oraldan Almatyǵa 2022 jyldyń 4 naýryzynan jup kúnderi shyǵa bastaıdy;
- «Qaraǵandy-Omby» qatynasyndaǵy №145/146 poıyzy Petropavl stansıasyna deıin qysqartyldy. Bul quram Qaraǵandydan Petropavlǵa jáne keri qaraı 2022 jyldyń 2 naýryzynan bastap jup kúnderi júretin bolady;
- «Almaty-2-Novosıbırsk» baǵytyndaǵy №301/302 poıyzy kúnara júrýmen Semeı stansıasyna deıin qysqartyldy. Ol Almatydan 2022 jyldyń 2 naýryzynan bastap jup kúnderi jolǵa shyǵady. Keri baǵytta dál osy poıyz 2022 jyldyń 3 naýryzynan bastap taq kúnderi júre bastaıdy;
- «Atyraý-Astrahan» baǵytyndaǵy №625/626 poıyzy kúnara qatynaspen Dına Nurpeıisova stansıasyna deıin qysqartyldy. Atyraýdan keri baǵytta quram 2022 jyldyń 2 naýryzynan bastap jup kúnderi júredi.