Bokstan Bolgarıada ótip jatqan dástúrli halyqaralyq týrnırde qazaqstandyq tórt boksshy jartylaı fınalǵa, eki boksshy shırek fınalǵa shyqty.
48 kelidegi Sanjar Táshkenbaı ıtalıalyq Leonardo Esposıtony 5:0 esebimen utsa, osy salmaqtaǵy Danıal Sábıt reseılik Edmond Hýdoıanǵa jol berdi, dep habarlaıdy Almaty-akshamy.kz Ulttyq Olımpıada komıtetine silteme jasap.
51 kelidegi Damır Ábdiqadyr men Tımýr Qabdeshov tıisinshe Ulybrıtanıa men Ispanıa boksshylaryn utty.
60 kelidegi Vasılıı Samchýk germanıalyq Murat Iyldyrymǵa ese jiberdi. Al 71 kelidegi Ermahan Jakpekov jerlesi Qýan Qýatovty 3:2 esebimen jeńdi.
75 kelidegi Nurqanat Raıys ıtalıalyq Fratarelı Manfredıdi 5:0 esebimen utsa, Nurlan Saparbaı ıspanıalyq qarsylasyn merziminen buryn jeńdi.