"Otbasy bank" shilde aıynda nesıe berýin toqtatqan "Naýryz" baǵdarlamasyn taǵy jandandyrdy, dep habarlaıdy aqshamnews.kz
Atalǵan bank Qazaqstan qor bırjasynda (KASE) 150 mıllıard teńge tartqanyn jáne nesıe berýdi qaıta bastaǵanyn súıinshiledi.
– Baǵdarlama sharttary ózgerissiz qaldy: bastapqy jarna keminde – 20%, qaryzdyń eń joǵary somasy Astana men Almatyda – 36 mıllıon teńge, ózge óńirlerde – 30 mıllıon teńge. Jyldyq tıimdi syıaqy mólsherlemesi – 9,6%-dan 13%-ǵa deıin. Nesıeni óteý merzimi – 19 jyl, – delingen resmı habarlama mátininde.
Aıta ketelik, "Naýryz" baǵdarlamalarynyń sharttary tómendegideı:
alǵashqy jarna: taza árleýdegi turǵyn úı satyp alý kezinde 10%-dan jáne árlenbegen nemese qaıtalama naryqtaǵy turǵyn úı satyp alý kezinde 20%-dan bastap;
turǵyn úı kezeginde turǵan azamattardyń áleýmettik osal sanattary úshin kredıt boıynsha mólsherleme – 7% (JTSM 7,1%-dan 9,6% deıin);
azamattardyń barlyq sanaty úshin kredıt boıynsha mólsherleme – 9% (JTSM 9,4%-dan 13% deıin);
nesıe merzimi – 19 jylǵa deıin.
Baǵdarlamaǵa qatysty barlyq ózekti málimet "Otbasy bankiniń" resmı ınternet-resýrstarynda jarıalanady. Buǵan deıingi maquldanǵan ótinimder men páter brondary kúshinde qalady.