Almatyda 1966 jyly paıdalanýǵa berilgen qubyr jelisiniń jóndelýine baılanysty Baızaqov kóshesinde kólik qozǵalysy ýaqytsha shekteledi.
15 tamyzda saǵat 08:00-den 17 tamyzda saǵat 19:00-ge deıin Almatyda Baızaqov kóshesinde Raıymbek dańǵylynan eki baǵytta da kólik qozǵalysy shekteledi.
Jylýmen jabdyqtaý jelilerin aldaǵy jylý maýsymyna daıyndaý aıasynda 1966 jyly paıdalanýǵa berilgen magıstraldyq qubyr ýchaskesinde jóndeý jumystarynyń qaýipsizdigin qamtamasyz etý úshin ýaqytsha shekteý engiziledi.
Eske salaıyq, qozǵalysty shekteýge qatysty barlyq aqparat Almaty.kz saıtynda, @ AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq, «2GIS» jáne «Iandeks kartalary» servısterinde jarıalanǵan.