Narıman Tabynbaev ortalyq qalalyq klınıkalyq aýrýhananyń bas dárigeri laýazymyna aýysýyna baılanysty Almaty qalasy densaýlyq saqtaý basqarmasynyń basshysy qyzmetinen bosatyldy, dep habarlaıdy Almaty-akshamy.kz.
N.Tabynbaev 2020 jyldyń jeltoqsan aıynan bastap Almaty qalasynyń qoǵamdyq densaýlyq saqtaý basqarmasyn basqardy.
Anyqtama:
Narıman Tabynbaev 1961 jyly 23 aqpanda týǵan. Almaty Memlekettik medısına ınstıtýtyn, Qazaq ınjenerlik-tehnıkalyq akademıany támamdaǵan. Profesor, medısına ǵylymdarynyń doktory.
Eńbek jolyn 1985 jyly Qyzylorda oblysynyń Ortalyq aýdandyq aýrýhanasynda balalar hırýrgi bolyp bastaǵan.
1988 jyldan 1994 jyl aralyǵynda endoskopıa bóliminiń meńgerýshisi, Qyzylorda qalasyndaǵy oblystyq aýrýhananyń bas dárigeriniń dıagnostıkalyq ortalyǵy boıynsha orynbasary bolyp jumys istegen.
1994 jyldan 1997 jyl aralyǵynda Almaty oblysynyń Ortalyq aýdandyq aýrýhanasy bas dárigeriniń emdeý jumysy jónindegi orynbasary boldy.
1997 jyldan 2002 jyl aralyǵynda Ýrologıa ǵylymı ortalyǵynda ǵylymı qyzmetker, aǵa ǵylymı qyzmetker, bólim meńgerýshisi, bas dáriger bolyp jumys istedi.
2008 jyldan 2014 jyl aralyǵynda Qyzylorda qalasyndaǵy oblystyq medısınalyq ortalyqtyń dırektory, Ýrologıa ǵylymı ortalyǵynyń dırektory qyzmetterin atqardy
2014-2015 jyldar aralyǵynda Astana qalasyndaǵy «Ulttyq medısınalyq holdıń» AQ basqarma tóraǵasynyń orynbasary boldy.
2015 jyldan 2018 jyl aralyǵynda Astana qalasyndaǵy Ulttyq ǵylymı onkologıa jáne transplantologıa ortalyǵynyń dırektory bolyp jumys istedi.
2019 jyldan 2020 jyl aralyǵynda Fox Chase Cancer Center (Philadelphia, AQSH), University of Minnesota (Minneapolis, AQSH) taǵylymdamadan ótti.
2018-2020 jyldar aralyǵynda qalalyq qoǵamdyq densaýlyq saqtaý basqarmasy «Ortalyq qalalyq klınıkalyq aýrýhanasy» SHJQ MKK dırektory qyzmetin atqardy
2020-2022 jyldar aralyǵynda Almaty qalasynyń qoǵamdyq densaýlyq saqtaý basqarmasyn basqardy.